ގއ. މާމެންދޫ “ބެލެނެވެރިންގެހިޔާ” ގެ އެއްބަސްވުމުގައި ސޮއިކޮށްފި

ގއ. އަތޮޅުކައުންސިލާއި ގއ. މާމެންދޫ ކައުންސިލާއި ގުޅިގެން ހިންގަން ހަމަޖެހިފައިވާ “މާމެންދޫ ބެލެނެވެރިންގެހިޔާ” އިމާރާތްކުރުމުގެ އެއްބަސްވުމުގައި 20 އޮކްޓޫބަރު 2020 ވީ އަންގާރަ ދުވަހު ވަނީ ސޮއިކޮށްފައެވެ. މިކަމަށްޓަކައި މާމެންދޫ ކައުންސިލްގެ އިދާރާގައި ބޭއްވި ރަސްމިއްޔާތުގައި “މާމެންދޫ ބެލެނެވެރިންގެހިޔާ” ގެ އެއްބަސްވުމުގައި އަތޮޅުކައުންސިލްގެ ފަރާތުން ސޮއިކުރެއްވީ އަތޮޅުކައުންސިލްގެ ރައީސް އަޙުމަދު ފުއާދު އެވެ. މާމެންދޫ ކައުންސިލުގެ ފަރާތުން ސޮއިކުރެއްވީ މާމެންދޫ ކައުންސިލްގެ ރައީސް މުޙައްމަދު ޒަޢީމެވެ. އަދި މި މަސައްކަތް ކުރުމުގެ ބިޑް ކާމިޔާބު ކުރެއްވި ފަރާތް ކަމުގައިވާ ގއ. ވިލިނގިލީ “ސަލާމް ކޮންސްޓްރަކްޝަން” ގެ ފަރާތުން ސޮއި ކުރެއްވީ “ސަލާމް ކޮންސްޓްރަކްޝަން” ގެ އެމް.ޑީ ބުޝްރީ މުޙައްމަދެވެ. މާމެންދޫ ބެލެނެވެރިންގެހިޔާ ހެދުމުގެ މަޝްރޫއުގެ ޖުމުލަ އަގަކީ 189,111.80 ރުފިޔާއެވެ. އަދި މި ކޮންޓަރެކްޓްގެ މުއްދަތަކީ 45 ދުވަހެވެ.